Når du drikk Spilde skal du få sødmen av eit friskt og moge Hardangereple som du kan nyte året rundt.
Me blandar kunnskap bygd på eldgamle tradisjonar med ny teknologi.
På Spildegarden lagar me sjølve epla som vert til most og sider. Desse vert fyrst plukka når dei er på sitt beste. Eplene vert sorterte manuelt og pressa kvar sort for seg. Berre eple med god utvikla smak vert pressa. Kvar Spildemost og sider skal variera i utsjåande, lukt og smak etter sin eige karakter og årgang. Me vil ikkje tilsetje noko for å endre på det naturlege.
Spildemost er eit godt alkoholfritt alternativ til mat med variasjonen frå søtt, fruktig til syrleg. Me har Spildemost til ein kvar anledning; som tyrstedrikk, som eit alternativ til vin og brus, som leskedrikk på frukostbordet, til kvardagsmaten eller til festmåltidet.
Spildesider er naturleg fermentert eplemost kun tilsatt litt sukker i gjæringsprosessen og bobler ved tapping. Me setter sidrane våre på reine sortar og har variasjon frå middels til tørre sidre med og utan bær. Beskytte geografisk nemning.
Me planter til med nye og gamle eplesortar for å heile tiden skapa nye spennende smakar. Dei raude Spildemostane våre skal smaka av bæra og er balanserte med eplemost i staden for sukker eller andre tilsetjingar.
Då kvaliteten er viktigast fins Spilde kun i eit begrensa antall som me leverer personleg til handplukka hotell og restauranter og sel direkte frå eigen gard. For oss er dialogen og nærleiken til kundane våre viktig.
Me reknar oss som eplemostspesialisten i Hardanger.
Garantert reint eple i kvar dråpe!
